elbasha
عضو صغنون
عدد الرسائل : 17
العمر : 36
مسقط راسك : الزقازيق
تاريخ التسجيل : 20/08/2008
 | موضوع: ليه ها ليه  الأربعاء أغسطس 20, 2008 2:52 pm | |
|
ليه؟؟
1_ناس بتفطر فول وطعميه وناس بتفطر جبنه رومى وعيش فينو؟؟
2_ناس بتاخد مرتب بالالاف وناس بتاخد بالجنيهات؟؟
3_الناس بتجرى ورا صاحب الفلوس وبتحتقر الفقير الغلبان؟؟
4_ناس بتتعالج بره فى اغلى المستشفيات وفى كتير بيموتوا ومحدش بيسأل فيهم؟؟
5_شوارع تكون بدون ورقة وشوارع مليانه بالاكياس المليانه؟؟
6_لما وزير بيزور منطقه بتكون المنطقه زى الفل وبعد ميعدى بترجع لاصلها؟؟
7_الاغانى بنسمعها فى كل مكان مواصلة محل حتى فى بيوتنا مع ان كتاب الله مش بنسمعه غير فى الماتم؟؟؟
8_الاخوات كرهت بعضها وكمان بتوصل للموت؟؟
9_ناس عشاها بييجى من بره وناس بتنام خفيفه؟؟
10_وقت الصلاة ناس كتير بتكون بره الجامع ووقت الماتش بيكونوا بين النادى والبيوت والمقاهى؟؟
11_لما بنشوف واحده منقبه زى ماامرها ربنا بنقول متخلفه ولابسه خيمه واما نشوف متبرجه نقول متطوره وماشيه موضه؟؟
12_لو شوفنا شيخ ربانى ومقتدى بالنبى فى لحيته نقول متطرف وان قابلنا بلطجى ماسك مطوته نقول حدء وفهلوى؟؟
13_بنخوض فى اعراض اخواتنا المسلمات ووشنا يحمر لو حد ذكر اقاربنا بسوووء؟؟
14_بيهمل الاباء والامهات فى التربيه وبيرجعوا يلوموا نفسهم بعد مايحصدوا؟؟؟
15_كلمة الحق دايما مظلومه مع ان الباطل بينصره ناس كتييير؟؟
16_بنهتم بلبسنا واكلنا وشربنا وعمرنا مافكرنا فى صدقه او مسكين؟؟؟
17_ليه بنقلد الغرب كالعمى فى التفاهات وعمرنا مقلدناهم فى التطور؟؟؟
18_بنقول لازم نعمل حاجه صح وبنرجع فى كلامنا ؟؟
19_ليه دايما بنجرى ورا العرى والسفور ونبتعد عن كلام ربنا والرسول؟؟
20_ليه لو قلتلك تعالى صلى ابقا انسان مبفهمش ومعرفش الذوق ولو اديتك سى دى او شريط ابقى بحبلك الخير؟؟؟
21_اصبحت الصداقه الحقيقية غريبه بعض الشىء عن الناس وامتلأت بالمصالح؟؟؟
22_ليه بتكون دايما انانى ومش بتحب الخير لغيرك؟؟
23_لو من ربنا عليك بالالتزام وشوفت عاصى تشتمه وتلعنه؟؟ ولا تتذكر قول الله"كذلك كنتم من قبل فمن الله عليكم"
24_لو شوفتى واحده تابت بعد ماكانت متبرجه ترميها بلسانك الذى لايقل سما عن الحيه؟؟؟
25_ليه دايما بتفكر هتاكل ايه بكره وهتشرب ايه بكره ومفكرتش هتعمل ايه لدينك ووطنك؟؟
26_نفتكر اخواتنا المقربين فقط وتنسى اخواتك فى باقى العالم؟؟
27_لو دعاك مسنا او مسنة لمساعدتها تأنف نفسك منهم وتتكبر؟؟
28_بنفتكر ربنا فى الشده فقط وطول مفى رخاء لانذكره؟؟؟
29_بتتكسف تقول والدى شغال كذا او كذا عشان مينفعش بريستيجك فى وسط اصحابك ولو انك تعقل لتذكرت بسبب الله ثم ابيك هذا ماكنت فى مكانك ذاااك ولا مع اصحابك؟؟؟
30_اصبح نظر الناس الان الى الحسب والنسب ومعاه كام وتغاضوا عن الادب والاحترام والدين؟؟؟
31_دايما بنشوف عيوب الناس ظاهره جدا ومفكرناش لحظه انهم شايفين عيوبنا برضه؟؟؟
32_بنتكلم ع الناس بكلام لايليق وكأن اللسان لنا وحدنا فهم ايضا لهم السن وبيعرفوا برضه يتكلموا؟؟
33_دائما نعيب حكامنا وولاة امورنا ووالدينا ولم ننظر الى عيوبنا نحن؟؟فهل نحن معصومون؟؟!!
24_لما حد يقولك عيوبك تزعل منه وتخاصمه واما حد يمدحك بما ليس فيك ويحمدك تحبه وتتقرب منه؟؟
25_ليه سائق السياره بيعلق عبارة"ممنوع التدخين" وفى نفس الوقت بيكون ماسك سيجاره؟؟
26_لما بنقول لواحد من فضلك السيجاره يبصلك وكأنها فطره للانسان وان انت اللى غلط؟؟؟
27_لما تقول لحد اخطائه بتقولهاله امام الناس مش بينك وبينه ,لان النصح بين الناس عيب ويعتبر توبيخا؟؟
ارجو ان تكونوا لم تملوا من موضوعى ولكنه نبع من القلب وماقلته الا املا فى تغيير سلبياتنا لنرتقى بمجتمعاتنا, وخرج متواترا خلف بعضه وهذه اشياء اراها ولكنى والله لااتهم الكل بتلك الصفات ولكن لا ننكر عدم وجودهم ايضا
وارجو بعد قرائتها ان نقف لحظات مع انفسنا ونغير من انفسنا وهذا هو هدفى من ورائها
لعل الله ان يرحمنا
تغمدنى بنصحك بانفرادى ::وجنبنى النصيحة فى الجماعه
فان النصح بين الناس نوع::من التوبيخ لا ارضى استماعه | |
|
بنت فله تلعب سلة ^_^
عضو بدء راسه يكبر
عدد الرسائل : 41
العمر : 31
مسقط راسك : in your heart ^^
تاريخ التسجيل : 27/01/2012
| | موضوع: رد: ليه ها ليه الجمعة يناير 27, 2012 8:57 am | |
| | |
|
